Jólalögin í útvarpið!

Í morgun í símatíma hjá Arnþrúði Karlsdóttur á Útvarpi Sögu sá ég um að vera á tækjunum eins og ævinlega. Þá datt Arnþrúði í hug að spyrja hlustendur að því hvort þeir vildu fara að heyra jólalög á sögu. Fólk hringdi inn í stríðum straum og virtist enginn vera til í að heyra jólalög strax nema einhver einn af þeim fjöldamörgu sem hringdu inn.

Ég vill bara segja.. Mikið rosalega er fólk hjartalaust!!! Ég vill fara að heyra jólalögin og helst í gær og mér þykir það miður að fólki skuli ekki vera sama sinnis og ég. Hvað varð um jólaandann. Fínt að komast í jólaskapið snemma og byrja að kaupa jólagjafir og klára það tímanlega.. Fólk fattar ekki að jólin eru bara í næsta mánuði.

 Svo ég skjóti hér inn smá viðauka við þetta blog þá byrjaði ég að hlusta í laumi á jólalögin í Júní, á heimleið úr sumarbústaðinum og þá var maður nú líka með skemmtilegan ferðafélaga og var hún alveg á sama máli og ég.. Fínt að hlusta á jólalögin og aldre of snemmt að byrja á þeim.. Ég dýrka fólk sem hægt er að ferðast með í júní í bíl á leið úr sumarbústað sem er samt tíl í jólalögin, og eins og ég er nú mikið jólabarn þá átti ég samt ekki frumkvæðið af jólalögunum þá. En diski var skellt í Avensisinn og allt sett á FULL blast.

Ef að fólk getur ekki farið að hlusta á jólalögin núna án þess að það drepi jólagleðina í því þá er það fólk bara ekkert fyrir jólin. Meira svona jólafól :)

Á föstudaginn síðast var ég með útvarpið stillt á þá góðu stöð sem heitir Bylgjan. Þar heyrði ég jólalag og viti menn, ég hækkaði í útvarpinu. Kom mér í algjört jólastuð og gleðin tók öll völd.

Ef þið farið inná vefinn www.utvarpsaga.is í dag þá er skoðanakönnun þar í gangi sem spyr um það hvenær fólk vill fara að heyra jólalög í útvarpinu.  Hvet ég alla til að taka þátt og segja sína skoðun. Ég er sjálfur búinn að taka þátt í könnuninni og valdi auðvitað fyrstu mögulegu dagsetningu.

Jólaskapið í mér er ekki farið að dala á aðfangadag þó að ég hafi byrjað fyrr að hlusta á jólalögin.

Ég er nefninlega litla jólabarnið sem sungið er um í þessu ágæta kvæði :)

Því lísi ég vonbrygðum mínum á því að útvarpstöðvarnar séu ekki bara farnar á fullt að spila jólalögin.

Athugasemdir

[Jónína Dúadóttir, 12.11.2007 kl. 13:00]

Mig langar að fá að heyra jólalögin núna, búin að kjósa samt ekki í júní....