Í hvað fara bifreiðagjöldin?

Finnst alveg merkilegt þegar ríkið er að hirða yfir 100 kr af hverjum seldum bensínlítra að það þurfi líka að innheimta bifreiðagjöld og bráðum vegtolla!

Hvar endar þetta?

Ríkið tekur 110 kr. af lítra

Leiðinlegt mál

Ég get ekki sagt annað en mér finnst sorglegt að sjá að fólk sem þó er svo heppið að hafa vinnu og hafa það gott þurfi að leggja upp laupana og jafnvel fara á atvinnuleysisbætur þegar því gengur vel í starfi.
Þessi lög voru sett árið 1978 og þá var full ástæða fyrir því að hafa starfið lögverndað. Enda verið að vinna með hættuleg efni í myrkraherbergjum til þess að framkalla filmurnar.
Ferlið að taka ljósmynd hefur heldur betur breyst síðan 1978, þegar nánast allir taka myndir á stafrænar myndavélar.

Væri ekki rétt að setja lög núna um að fólk mætti ekki kalla sig söngvara og taka greiðslu fyrir það af því einhverjir aðrir væru búnir að hafa fyrir því að vera í söngskólanum? Það væri jafn undarlegt eins og það að fólk má ekki kalla sig ljósmyndara og vera með stofu og selja vinnu sína (sem ríkið fær svo vsk af)

Ef fólki finnst myndirnar manns flottar, hvaða máli skiptir það þá hvernig maður lærði að taka svona flottar myndir?
Ef fólki finnst t.d Páll Óskar góður söngvari (sem er sjálflærður söngvari), hvaða máli skiptir það þá hvernig hann lærði að syngja svona vel? (Mér finnst hann btw geggjaður söngvari)

En lög eru lög og ljósmyndun er lögvernduð og auðvitað var bara dæmt í þessu máli miðað við núgildandi lög og það skil ég alveg 100% en hinsvegar er alveg kominn tími á það að fara að endurskoða þessi lög.
Það er búið að leggja ljósmyndun niður sem lögverndaða iðngrein í t.d. þýskalandi og noregi og nú er þetta bara spurning um það hvort sá sem myndir tekur geti sýnt öðrum flott sýnishorn af myndun sem hann hefur tekið. Ef fólki finnst myndirnar flottar þá hlýtur sá sem myndirnar tekur að hafa eitthvað til brunns að bera.

Gott dæmi eru menn eins og Ari Magg og Gassi sem taka alveg ótrúlega flottar myndir en hvorugur þeirra er lærður ljósmyndari eftir því sem ég best veit. Hafa þeir komist svona langt í faginu af því þeir eru með prófskirteni hangandi uppá vegg? Nei þeir hafa komist svona langt vegna hæfileika og það er sóst eftir því að fá þá til að ljósmynda.

Söngvari er ekki lögverndað starf en söngskólinn er samt til staðar og það er nóg að gera í honum þrátt fyrir það.

Þegar einstaklingur fer og lærir ljósmyndun þá endar hann á því að taka sveinspróf og má þar af leiðandi starfa á sinni eigin stofu. Til þess að öðlast meistararéttindi þarf hann hinsvegar að komast á samning hjá meistara í ljósmyndun en það er bara vonlaust að komast á samning vegna þess að atvinnuljósmyndarar með meistararéttindi vilja einfaldlega ekki taka neinn á samning því þeir vita að þá eru þeir að þjálfa upp samkeppnisaðila.

Lög eru samt lög og ég átta mig á því en það má sko alveg endurskoða þetta.

„Þarf líklega að hætta starfsemi“

Verðlagning þarna er útí hött

Já þetta kemur mér sko alls ekki á óvart. Hverjum dettur það til hugar að fara þarna inn og láta taka sig í rassgatið þangað til það fer að blæða.Verðlagningin þarna er náttúrlega svo ótrúlega veruleikafyrrt.Við skulum taka eitt einfalt og raunhæft dæmi.4 manna fjölskylda fer þarna inn og pantar sér mat þarna.Þau panta sér 2 pizzur, ein stór Hawaiian (með skinku og osti) þessi pizza kostar

 samkvæmt matseðli á vefnum þeirra 4.990 krónur. Gott og vel, þau panta sér líka eina stóra Kjúklinga supreme pizzu með kjúkling, sveppum, papriku og rauðlauk. Sú pizza kostar 5.580Þau panta sér líka ostafylltar brauðstangir (9 stk) sá skammtur kostar 1.690 kr.Eitthvað vilja þau nú drekka með þessu líka og kaupa sér þess vegna könnu af gosi (1.7 ltr) Svona kanna kostar hjá pizza hut 990 krónur.

Stór Hawaiian 4.990
Stór Kjúklinga Supreme 5.580
Ostafylltar brauðstangir 1.690
1.7 líters kanna af gosi úr vél 990 krónur
Fyrir þessa standart máltíð á pizza hut væri 4. manna fjölskylda að borga 13.250 krónur

Það er kreppa og hvaða fjölskylda getur leyft sér að borga svona mikið fyrir eina máltíð ég bara spyr.
Raunhæft verð fyrir þessa máltíð væri 3.500 krónur c.a.


Ég mun ALDREI fara þarna inn fyrr en þeir lækka Verðið um svona 65%!

Uppfært: Það var verið að láta mig vita af fjölskyldutilboði sem þau bjóða uppá, það er víst hægt að fá þetta sem ég taldi upp í tilboði á 8.290 á slíku tilboði. En mér er sama mér finnst það samt ALLTOF dýrt.

Pizza Hut lokar tveimur stöðum

Hef lent í svipuðu

Ég var nú að starfa á útvarpstöð hér á höfuðborgarsvæðinu fyrir c.a. 2 árum og var að rista mér brauð. Nema það að þá fór í gang reykskynjari og vælubjöllur fóru af stað. Ég náttúrlega bara slökkti á þessu og fór að snæða mitt ristaða brauð og var bara rólegur. Áður en ég vissi af hafði skipulögð rýmingaráætlun átt sér stað og ég frétti af því að starfsmennirnir í öllu húsinu væru kominir út úr húsinu, securitas á leiðinni og ég veit ekki hvað og hvað.Svona reykskynjarar eru svolítið eins og sagan af pétri og úlfinum, reykskynjarar kalla alltaf úlfur úlfur, og svo er enginn úlfur.En daginn sem það er kviknað í í raun og veru þá mun ég brennan inni því ég er hættur að taka mark á reykskynjurum.

Útkall vegna brauðristunar Blairs

Þetta er búið spil...

Það þarf bara að fara að byrja á þessum mótmælum aftur og heimta nýja ríkisstjórn. Alveg ljóst að þessi ríkisstjórn ætlar ekki að standa með almenningi.

HVAR er þessi skjaldborg um heimilin sem Jóhanna Sigurðardóttir lofaði??

Þessi ríkisstjórn er gjörsamlega búin að skíta uppá bak, það þarf að taka við ný stjórn sem getur tekið rétt á málunum. Og nei það er ekki sjálfstæðisflokkurinn hefði ekki bjargað okkur, treysti í raun engum sem bauð sig fram síðast.

Samt svakalega fyndið að sjá Bjarna Ben jarmandi í fjölmiðlum um að þetta sé klikkun og eitthvað að hækka sakttinn, það er alveg klárt að sjálfstæðisflokkurinn hefði gert það nákvæmlega sama. Það var jú Geir H. Haarde og Ingibjörg Sólrún sem byrjuðu þessar viðræður við alþjóða gjaldeyrirsjóðin og reyndu að ljúa því að almenningi að þetta lán ætti bara að fara til ríkissjóðs til vara.
Til VARA??? Auðvitað var það til þess að borga Ice Save, það er ekki flókið að sjá það.

Verð að viðurkenna að ég varð samt alveg nokkuð ánægður til að byrja með að sjá Samfylkinguna og VG taka við stjórninni því ég hélt að loksins færi eitthvað að gerast þegar sjálfstæðisflokkurinn væri ekki lengur í ríkisstjörn því samfylkingin hefur alla tíð talað um það á meðan hún var í stjórn með sjálfstæðisflokknum að mörg góð mál hafa ekki náð í gegn vegna sjálfstæðisflokksins, taldi að þetta hefði verið það skársta sem gat gerst.
Svo lofar jóhanna því að verði slegin skjaldborg um heimilin og staðreyndin verður svo sú að það flytur að meðaltali ein fjölskylda úr landi á dag og skattar eru hækkaðir uppúr öllu valdi til þess að það sé nú alveg öruglega óbúandi á þessu landi á sama tíma og skuldir útrásarvíkinga eru afskrifaðar í stórum stíl vegna þess að þeir eiga persónulega vini í bönkunum, Ríkisbönkunum.
Hvernig getur það verið að verið sé að afskrifa skuldir útrásarvíkinga í ríkisbönkum, ætti Steingrímur J fjármálaráðherrann sjálfur ekki að standa fyrir því að þessir útrásarvíkingar borgi sínar skuldir? Ónei hann hækkar skatta á almenning.

47% skattur á launatekjur?

Gamla tónlistin aftur á toppnum

Gaman að sjá hvað mikið af gamalli tónlist hefur gegnum árin aftur komist á toppinn. Þetta er svosem ekkert nýtt og gerist alltaf við sérstök tilefni. Árið 2008 hér á íslandi var nú t.d. Abba og Vilhjálmur Vilhjálmsson mjög áberandi. Vegna kvikmyndarinnar Mamma Mia og svo minningartónleikar Villa Vill.

Þetta er allt saman bara frábært og gaman þegar gömul góð tónlist kemst aftur á toppinn þó þetta sé vissulega ekki í fyrsta skipti sem bítlarnir komast á toppinn eftir að þeir lögðu upp laupana.

En þessi stóri flotti pakki er allur hinn glæsilegasti og það mætti næstum því halda að þeir félagar John Lennon, Paul McCartney, George Harrison, Ringo Starr höfðu verið í síðustu viku að taka þetta upp þar sem hljómurinn er allur hinn glæsilegasti. Er að sjálfsögðu búinn að verða mér út um þennan pakka og mér finnst ég vera að kynnast nýrri hlið á Bítlunum með því að hlusta á þetta svona endurhljóðblandað. Gæðin eru slík.

Hef nú samt hitt nokkra harða bítlaaðdáandur sem eru mjög svo á móti þessari 2009 útgáfu vegna þess að þeir segja að verið sé að skemma sjarmann sem sé að finna á gömlu geisladiskunum/plötunum.

Þessu er ég ekki sammála. Vill persónulega meina að verið sé að færa okkur en nær gamla tímanum með því að endurhljóðblanda tónlistina með nútíma tækni.
Því þó gömlu upptökurnar séu ekki eins góðar og má finna á þessum pakka þá vissulega var tónlistin þeirra í "gamla daga" samt sem áður í mjög góðum gæðum en tæknin ekki nógu mikil til þess að stafræn upptaka gæti átt sér stað.

Stundum hefur sú umræða dúkkað upp að Bítlarnir séu ofmetnir. Get nú kannski ekki verið alveg sammála því, þeir eiga auðvitað alla þessa frægð og frama mjög svo skilið. Þeir hafa gefið út mörg mjög flott lög. En auðvitað leynist á þessum plötum þeirra líka slök lög. En ofmat er samt sem áður ekki eitthvað sem ég er til í að tengja við Bítlana. 

Því fagna ég þessari útgáfu og þetta er svo sannarlega ekki í síðasta skipti sem Bítlarnir komast á heims topplistann.

Bítlahlustendur munu aldrei deyja út!

Metsala Bítlana

Söknuður?

Það gerðist nú ekki fyrir svo löngu síðan í bandaríkjunum að gamall maður fannst látinn í íbúð sinni og hann var það mikið rotnaður að talið var að hann væri búinn að vera dáinn í 2 ár þarna í íbúðinni. Enginn saknaði hanns.

Það hlítur nú að vera að einhver sakni mannsins, við erum nú á íslandi og hér þekkja allir alla svona næstum.

Enn hafa ekki verið borin kennsl á mann

Sannarlega eldbakaðar pizzur

Já það verður ekki sagt annað en að pizzurnar þarna eru sannarlega eldbakaðar.

Leitt að heyra samt þar sem pizzurnar þarna eru alveg hreint bara mjög fínar!

Reykur í Rizzo-pítsustað

Þetta grunaði mig...

Já grunaði ekki gvend, sá þetta myndaband fyrir svolitlu síðan og það sem gerði alveg útslagið var þegar hún sagðist ekki vera búinn að vera með neinum öðrum síðan þetta kvöld.

Sætar stelpur á lausu nú til dags eru ekkert bara með einum gaur á eins og hálfs árs tímabili, var tregur til þess að trúa því að sæt stelpa hefði bara verið með einum gaur á þetta löngum tíma.
Ef þetta hefði verið alvöru þá hefði verið vonlaust að finna pabbann vegna þess að hin týpíska stelpa er pottþétt að sængja hjá fleiri gaurum en bara einum.

En svo er það náttúrlega undantekingin sem sannar regluna, það eru til þessar saklausu týpur líka.

Blekkingum beitt á YouTube

Sennilega góður pabbi

Ég myndi halda að Elton John yrði góður pabbi, kennir dre gnum að syngja og spila á piano. Veit reyndar voðalega lítið um sambýlis mann hanns en ætli þetta sé ekki bara hið besta mál. Treysti Elton John betur fyrir barni heldur en Britney spears.

Er ekki Elton John og Laddi samt svolítið líkir miðað við þessa mynd sem ég sendi hér inn af Elton John?

Elton John vill ættleiða dreng